CƏMİYYƏT


Bakıda Leninqradın blokadaçıları ilə görüş keçirilib

Bakı, 8 sentyabr, AZƏRTAC

Bakıdakı Rusiya İnformasiya-Mədəniyyət Mərkəzi (RİMM) və Azərbaycanın gənclər birliklərinin “Xeyirxahlıq yolları” birgə layihəsi çərçivəsində Leninqrad blokadası qurbanlarının xatirə günü ərəfəsində “Leninqrad Blokadası İştirakçıları” İctimai Birliyinin üzvləri ilə görüş keçirilib.

AZƏRTAC RİMM-in mətbuat xidmətinə istinadla xəbər verir ki, görüşdə Azərbaycan Kazakları Həmyerlilər Birliyinin və Azərbaycan Rus Gəncləri Assosiasiyasının nümayəndələri iştirak ediblər.

Karantin qaydalarına riayət olunmaqla açıq havada keçirilən görüşdə “Leninqrad Blokadası İştirakçıları” İctimai Birliyinin üzvlərinə xatirə hədiyyələri təqdim edilib.

Qeyd edək ki, blokadanın dəhşətli günlərində bir milyondan çox leninqradlı həyatını itirib. İki milyona yaxın insanın təxliyəsi təşkil edilib. Blokada qaldırıldıqdan sonra Leninqradda mühasirənin başlanğıcından beş dəfə az - 560 min sakin qalıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.