İDMAN


Bakıda keçiriləcək “Böyük dəbilqə” turnirində Belçika yığması güclü cüdoçularla təmsil olunacaq

Bakı, 9 aprel, AZƏRTAC

Cüdo üzrə Belçika yığması mayın 10-12-də Bakıda keçiriləcək “Böyük dəbilqə” turnirində güclü heyətlə iştirak edəcək.

AZƏRTAC xəbər verir ki, yığmanın tərkibində 6 cüdoçu yer alıb. Kişilərdən ibarət komandada Jorrek Verstraeten (60 kq), Van Kenneth Qansbeke (66 kq), Sami Çouçi (81 kq), qadınlardan ibarət komandada isə Anne Sofie Jura (48 kq), Çarline Van Snik (52 kq), Qabriella Villems (70 kq) medallar uğrunda mübarizə aparacaqlar.

Jorrek Verstraeten bu ilin əvvəlində keçirilmiş Təl-Əviv Qran-Prisinin, Van Kennet Qansbeke isə 2018-ci ildə keçirilmiş Kankun Qran-Prisinin qalibləridir. Çarline Van Snik Yekaterinburq “Böyük dəbilqə”sinin bürünc mükafatçısı, Haaqa Qran-Prisinin qalibidir. Yığmada çıxış edəcək Qabriella Villems isə Haaqa və Kankun Qran-prilərinin mükafatçısıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.