CƏMİYYƏT


Bakıda mənzildən bir milyon manat dəyərində qızıl-zinət əşyaları oğurlanıb

Bakı, 5 avqust, AZƏRTAC 

Yasamal Rayon Polis İdarəsinin 28-ci polis bölməsinə avqustun 4-də rayon ərazisindəki mənzillərin birindən seyfi kəsməklə içərisində olan bir milyon manat dəyərində qızıl-zinət əşyalarının oğurlanması barədə müraciət daxil olub.

Daxili İşlər Nazirliyinin mətbuat xidmətindən AZƏRTAC-a bildiriblər ki, dərhal polis əməkdaşları tərəfindən müvafiq tədbirlər həyata keçirilib.

Oğurluğu törətməkdə şübhəli bilinən ev sahibinin tanışı Bakı şəhər sakini T.Rəhimli təxirəsalınmaz əməliyyat-axtarış tədbirləri nəticəsində qısa müddətdə müəyyən edilərək polis əməkdaşları tərəfindən saxlanılıb. Aparılmış tədbirlərlə onun qızıl-zinət əşyalarını 75 min ABŞ dollarına Göyçay rayon sakini Ə.Salmanova satması müəyyən edilib.

Ə.Salmanov da polis əməkdaşları tərəfindən saxlanılıb.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.