CƏMİYYƏT


Bakıda on il əvvəl baş vermiş cinayətin ibtidai istintaqı tamamlanıb

Bakı, 6 iyun, AZƏRTAC

Baş Prokurorluğun İstintaq idarəsində 2012-ci il oktyabrın 10-da Axundov Cəfər Məmmədmehti oğlunun avtomobildə meyitinin aşkar edilməsi faktına dair cinayət işinin ibtidai istintaqı tamamlanıb.

Prokurorluqdan AZƏRTAC-a verilən məlumata görə, istintaq-əməliyyat tədbirləri ilə Şirinov Zöhrab Şirin oğlunun 2012-ci il oktyabrın 10-da tanışı Cəfər Axundovun narkotik sərxoşluğu vəziyyətinə düşməklə müqavimət göstərmək imkanından məhrum olunduğunu görüb aralarında əvvəllər şəxsi münasibətlər zəminində baş vermiş mübahisəni bəhanə edərək Cəfər Axundovun həyatı üçün vacib orqanlarının yerləşdiyi qarın və sinə nahiyələrinə təpiklə zərbələr vurmaqla çoxsaylı xəsarətlər yetirərək onu qəsdən öldürdüyü müəyyən edilib. Daha sonra törətdiyi cinayəti gizlətmək və öz əcəli ilə ölməsi görüntüsünü yaratmaq məqsədilə Cəfər Axundovun meyitini avtomobilin arxa oturacağına qoymaqla Yasamal rayonu, “Qurd qapısı” adlanan ərazinin yaxınlığında yerləşən qəbiristanlığa aparıb, cibinə şpris və içərisində narkotik vasitə izləri olan şüşə dərman qabını yerləşdirməklə oradan uzaqlaşıb.

Zöhrab Şirinova Cinayət Məcəlləsinin 120.2.2 (xuliqanlıq niyyəti ilə adam öldürmə) və 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə) maddələri ilə ittiham elan edilib.

Hazırda cinayət işi baxılması üçün aidiyyəti üzrə Bakı Ağır Cinayətlər Məhkəməsinə göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.