İDMAN


Bakıda stend atıcılığı üzrə ölkə kuboku yarışı keçiriləcək

Bakı, 11 may, AZƏRTAC

Bakıda stend atıcılığı üzrə ölkə kuboku yarışı keçiriləcək.

Azərbaycan Atıcılıq Federasiyasından AZƏRTAC-a bildiriblər ki, yarış mayın 12-15-də Bakı Atıcılıq Mərkəzində baş tutacaq.

Yarışlar stend atıcılığının səngər və dairəvi növlərində - kişilər, qadınlar və qarışıq komanda kateqoriyalarında keçiriləcək. Turnirdə ölkəmizin müxtəlif şəhər və rayonlarından, ümumilikdə 50 idmançı iştirak edəcək.

Azərbaycanın stеnd atıcılığı üzrə Olimpiya Oyunlarında iştirakı 1988-ci ildə Sеul Olimpiadasında başlayıb. Ölkəmiz olimpiadanın ilk qızıl medalını da idmanın məhz bu növü qazanıb. 2000-ci ildə Sidnеydə kеçirilən Yay Оlimpiya Оyunlarında ölkəmizi təmsil edən Zеmfira Mеftahətdinоva 100 mümkün хaldan 98-ni toplayaraq, dünyanın ən sərrast stеnd atıcısı kimi tariхə düşüb.

Azərbaycanda beynəlxalq standartlara uyğun Qəbələ Atıcılıq Klubu və Bakı Atıcılıq Mərkəzi fəaliyyət göstərir. Bakı Atıcılıq Mərkəzi infrastrukturu və təchizatı ilə Avropanın 4 ən yaxşı mərkəzindən biridir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.