ELM VƏ TƏHSİL
Bakıda xarici ölkə alimlərinin iştirakı ilə elmi-texniki konfrans təşkil olunacaq
Bakı, 25 iyun, AZƏRTAC
Bakıda Müstəqil Dövlətlər Birliyi (MDB) və Baltikyanı ölkələrinin, Gürcüstanın alimlərinin iştirakı ilə beynəlxalq elmi-texniki konfrans təşkil olunacaq. Bununla bağlı Qazaxıstanın paytaxtı Astanada “MDB-də dialoq - XXI əsrdə humanitar əməkdaşlığın perspektivləri” mövzusunda keçirilən XIII forumda qərar qəbul olunub.
Azərbaycan Texniki Universitetindən (AzTU) AZƏRTAC-a bildirilib ki, tədbirdə bu universitetin beynəlxalq əlaqələr üzrə prorektoru, professor Sübhan Namazov MDB ölkələrindən olan alimlərlə elmi-texniki əməkdaşlığın perspektivləri barədə müzakirələr aparıb. Müzakirələr nəticəsində gələn il ölkəmizdə texniki ali təhsil sahəsində flaqman universitet olan AzTU-da beynəlxalq elmi-texniki konfransın keçirilməsi qərara alınıb.
Konfransda yüzdən çox alimin iştirakı nəzərdə tutulub.