MƏDƏNİYYƏT


Bakıda yapon teatr sənəti nümayiş olunacaq

Tokio, 14 sentyabr, AZƏRTAC 

Oktyabrın 27-28-də Bakı Biznes Mərkəzində təşkil olunacaq Yaponiya qida məhsulları sərgisi zamanı ziyarətçilərə yapon milli teatr sənəti də təqdim ediləcək. Bu barədə AZƏRTAC-ın Yaponiyadakı xüsusi müxbirinə “Cross Border Club” şirkətinin meneceri, sərginin icraiyyə komitəsinin sədri Kazuyasu İşida məlumat verib.

Azərbaycanda ilk dəfə keçiriləcək Yaponiya qida məhsulları sərgisinə ciddi hazırlaşdıqlarını bildirən K.İşida qeyd edib ki, artıq 60-dan artıq yapon şirkəti sərgidə öz məhsullarını nümayiş etdirmək niyyətində olduğunu bidirib. Sərgi zamanı həmin şirkətləri təmsil edəcək 150-dən artıq yapon iş adamının Bakıya səfəri gözlənilir. İlk dəfə təşkil edilən sərgidə yapon qida məhsulları və içkiləri ilə yanaşı, ərzaq məhsullarının hazırlanması zamanı istifadə edilən mətbəx ləvazimatlarının, eyni zamanda, yüksək keyfiyyəti ilə seçilən kosmetik vasitələrin də ziyatəçilərə təqdim edilməsi nəzərdə tutulur.

Bundan əlavə, Yaponiyanın tanınmış Kabuki Milli Teatrının sənətkarları da ziyarətçilər qarşısında çıxış edəcəklər. K.İşida əmin olduğunu bildirib ki, qədim yapon incəsənətini yaşatmaq məqsədilə 1966-cı ildə yaradılan və sonralar UNESCO-nun qeyri-maddi mədəni irsi siyahısına daxil edilən teatrın təqdim edəcəyi yapon milli incəsənəti nümunələri sərginin iştirakçıları və ziyarətçilər tərəfindən böyük maraqla qarşılanacaq.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.