ELM VƏ TƏHSİL


Bakıdakı Rus evi tərəfindən təşkil edilmiş müsabiqələrin qalibləri Xantı-Mansiysk şəhərinin görməli yerlərini ziyarət ediblər

Bakı, 11 avqust, AZƏRTAC

“Şuşa ili”nə həsr edilmiş XIV illik rus dili olimpiadasının və gənc qiraətçilərin “Canlı klassika” beynəlxalq müsabiqəsinin qalibləri “Salam, Rusiya!” proqramı üzrə bir neçə gün Xantı-Mansiysk şəhərində olublar.

Rusiya İnformasiya Mədəniyyət Mərkəzindən AZƏRTAC-a verilən məlumata görə, bu müddətdə gənclər Təbiət və İnsan Muzeyində, Geologiya, Neft və Qaz Muzeyində, Qış İdman Növləri Mərkəzində olub, 11 ölkəni təmsil edən gənc həmvətənləri ilə birlikdə “Dostluq bağı” salıblar.

Xatırladaq ki, “Salam Rusiya!” proqramı “Rossodrudniçestvo” agentliyi tərəfindən 2014-cü ildən həyata keçirilir. Hər il yaxın və uzaq xarici ölkələrdən 14-19 yaşlı 700-dən çox həmvətən öz tarixi vətənlərinin müasir həyatı ilə tanış olmaq, onun çoxmillətli mədəniyyətini hiss etmək, rus dilində danışıq təcrübəsi qazanmaq və başqa ölkələrdə dostlar tapmaq üçün Rusiyaya gəlir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.