İQTİSADİYYAT


Bakının elektrik enerjisi təchizatının etibarlılığı və dayanıqlılığı daha da yaxşılaşıb

Bakı, 5 mart, AZƏRTAC

Bakı şəhərinin elektrik enerjisi təchizatının etibarlılığı və dayanıqlılığı daha da yaxşılaşıb.

Energetika Nazirliyindən AZƏRTAC-a bildirilib ki, 2018-ci ildə paytaxt üzrə orta hesabla istehlakçıya elektrik enerjisinin verilişində yaranmış fasilənin müddəti (SAIDI göstəricisi ilə) 0,86 saat təşkil edib. İl ərzində orta hesabla istehlakçıya elektrik enerjisinin verilişində yaranmış fasilənin sayı isə (SAIFI göstəricisi ilə) 0,96 dəfə olub.

Bu göstəricilər əvvəlki illərlə müqayisədə həm müddət, həm də say baxımından aşağıdır. Bunun başlıca səbəbi son illərdə Bakının paylayıcı şəbəkəsində olan 110 və 35 kilovoltluq yarımstansiyaların tikilərək tam yenidən qurulması, paytaxtın 90 faizdən çox ərazisində yeraltı kabelləşmə işinin həyata keçirilməsi, dairəvi elektrik təchizatı sxemlərinin yaradılması və şəbəkələrin əks-qəza avtomatikasına qoşulmasıdır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.