CƏMİYYƏT


Bakının pravoslav məbədləri nəzdindəki bazar günü məktəblərinə dərsliklər və bədii ədəbiyyat hədiyyə edilib

Bakı, 18 fevral, AZƏRTAC

Bakıda Pravoslav Dini-Mədəniyyət Mərkəzində Вakı və Azərbaycan Yeparxiyasının arxiyepiskopu Aleksandr ilə “Rossotrudniçestvo”nun Azərbaycandakı nümayəndəliyinin rəhbəri Valentin Denisovun görüşü olub.

Rusiya İnformasiya və Mədəniyyət Mərkəzinin (RİMM) mətbuat xidmətindən AZƏRTAC-a verilən məlumatda bildirilir ki, görüşdə Rus Pravoslav Kilsəsinin Bakı və Azərbaycan Yeparxiyası ilə “Rossotrudniçestvo”nun Azərbaycandakı nümayəndəliyi arasında əməkdaşlığın perspektivləri müzakirə edilib.

Valentin Denisov pravoslav məbədləri – Miradaşıyan Qadınlar Kafedral Kilsəsi, Müqəddəs Məryəm Ana Kilsəsi və Mixail Arxangel Kilsəsi nəzdində fəaliyyət göstərən bazar günü məktəblərinin kitabxanalarına rus dilində dərsliklər və bədii ədəbiyyat hədiyyə edib.

Qeyd edək ki, “Rossotrudniçestvo” artıq illərdir ki, Azərbaycanda pravoslav məbədləri nəzdindəki bazar günü məktəblərinin kitabxana fondunun zənginləşməsində iştirak edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.