İQTİSADİYYAT


“Bakmil” stansiyasının təmiri ilə əlaqədar 71 nömrəli avtobusun hərəkətində dəyişiklik edilib

Bakı, 6 avqust, Elvin Camalov, AZƏRTAC

Avqustun 8-dən Bakı Metropoliteninin “Bakmil” stansiyasının müvəqqəti təmirə bağlanması ilə əlaqədar metropoliten işçilərinin və ətraf ərazidə yaşayan əhalinin ictimai nəqliyyatdan istifadəsini təmin etmək məqsədilə 71 nömrəli müntəzəm marşrut xətti ( “Azadlıq prospekti” metro stansiyası – “Koroğlu” Nəqliyyatı Mübadilə Mərkəzi) üzrə avtobusun hərəkət sxemində dəyişiklik edilib.

Bu barədə AZƏRTAC-a Bakı Nəqliyyat Agentliyindən məlumat verilib. Bildirilib ki, dəyişikliyə əsasən, 71 nömrəli marşrut xətti üzrə avtobuslar Ziya Bünyadov prospektindən keçib Ələsgər Qayıbov küçəsinə daxil olmaqla yenidən Ziya Bünyadov prospektinə çıxaraq yoluna davam edəcək.

Dəyişiklik təmir işləri yekunlaşanadək qüvvədə olacaq. Bu müddətdə Ələsgər Qayıbov küçəsindən sərnişin daşınmasına 71 nömrəli marşrut xətti üzrə 4 ədəd nəqliyyat vasitəsi ayrılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.