İDMAN


“Baku Fire” komandası Futzal üzrə Birinci Liqanın qalibi olub

Bakı, 19 may, AZƏRTAC

Futzal üzrə Birinci Liqada 2018-2019-cu il mövsümünə yekun vurulub.

AZƏRTAC xəbər verir ki, mövsümü məğlubiyyətsiz başa vuran və cəmi bir görüşdə heç-heçə etməklə xal itirən “Baku Fire” liqanın qalibi olub. Gümüş və bürünc medallar müvafiq olaraq Azərbaycan Dövlət Bədən Tərbiyəsi və İdman Akademiyası (ADBTİA) və “Standard” komandalarına təqdim olunub.

Liqanın ən yaxşı qapıçısı U-19-un üzvü Vladislav Reznov, ən yaxşı oyunçusu isə “Zəngilan” komandasından Qədir Rüstəmov seçilib. Ən yaxşı baş məşqçi mükafatı “Baku Fire”ə qızıl medallar qazandıran Teymur Eyvazova təqdim edilib. Liqanın bombardiri isə 85 qol vurmuş Emin Cəbrayılov (ADBTİA) olub.

Komandalara mükafatları Azərbaycan Futzal Federasiyasının vitse-prezidenti Rəmiş Malıyev, federasiyanın əməkdaşı Xosrov Məmmədov və beynəlxalq dərəcəli hakim-inspektor Elçin Səmədli təqdim ediblər.

Bütün iştirakçı komandalara isə federasiya adından təşəkkürnamə verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.