REGİONLAR


Balakən məktəbliləri şeir müsabiqəsində ifaçılıq məharətlərini nümayiş etdiriblər

Balakən, 17 oktyabr, Mustafa Dadaşov, AZƏRTAC

18 oktyabr – Dövlət Müstəqilliyi Günü münasibətilə Balakən rayon Heydər Əliyev Mərkəzinin təşkil etdiyi “Müstəqil Azərbaycan” adlı şeir müsabiqəsində rayonun ümumtəhsil məktəblərini təmsil edən 50-dək yeniyetmə və gənc öz ifaçılıq məharətini nümayiş etdirib.

AZƏRTAC-ın bölgə müxbiri xəbər verir ki, ifalara başlamazdan əvvəl Mərkəzin direktoru Ləman Balayeva çıxış edərək, 28 ildir xalqımızın oktyabrın 18-də Azərbaycanın dövlət müstəqilliyinin bərpasının ildönümünü böyük sevinc və iftixar hissi ilə qeyd etdiyini diqqətə çatdırıb. Vurğulanıb ki, bu illər ərzində Azərbaycanın qazandığı bütün uğurlar məhz Ulu Öndərin müdrikliyi sayəsində müstəqilliyimizin qorunub saxlanmasının məntiqi nəticəsidir.

Müsabiqə iştirakçılarının ifaçılıq qabiliyyətləri münsiflər heyəti tərəfindən qiymətləndirilib. Yekun nəticəyə əsasən, Balakən şəhər 1 nömrəli tam orta məktəbin şagirdi Səadət Çerçiyeva müsabiqənin qalibi adını qazanıb. Tülü kənd tam orta məktəbin şagirdi Kamilə Bayramova və Balakən humanitar və texniki təmayüllü liseyin təmsilçisi Şamxal Qurbanov ikinci yerə layiq görülüblər. Hənifə kənd tam orta məktəbin şagirdləri Polad Əhmədov və Rəsul Məmliyev üçüncü olublar.

Müsabiqənin qalibləri Heydər Əliyev Mərkəzi tərəfindən diplom və hədiyyələrlə mükafatlandırılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.