REGİONLAR


Balakəndə 138 hektardan çox sahədə dən üçün təkrar qarğıdalı əkilib

Balakən, 9 iyul, Mustafa Dadaşov, AZƏRTAC

Taxıl biçini başa çatdıqdan sonra Balakən rayonunun təsərrüfatlarında 140 hektar sahədə təkrar qarğıdalı əkininin aparılması nəzərdə tutulur. Bu istiqamətdə işlər artıq yekunlaşmaq üzrədir. İndiyədək rayon ərazisində 138,3 hektar sahədə dən üçün təkrar qarğıdalı əkilib.

Bu barədə AZƏRTAC-ın bölgə müxbirinə Balakən Dövlət Aqrar İnkişaf Mərkəzinin direktor müavini Elvin Səmədov məlumat verib.

Qeyd edək ki, bu il təkrar qarğıdalı əkininə görə fermerlərə toxum almaq üçün dövlət tərəfindən hər hektara 60 manat birdəfəlik vəsait ödəniləcək.

Qurum rəsmisi bildirib ki, qarğıdalı istehsalı rayonun kənd təsərrüfatında aparıcı yerlərdən birini tutur. Bunun nəticəsidir ki, son illər balakənli fermerlərdə bu sahəyə maraq xeyli artıb. Hazırda Balakən rayonu qarğıdalı bitkisinin əkin sahəsinə və istehsal olunan məhsulun həcminə görə respublikada birincilər sırasındadır. Mövcud təbii iqlim şəraiti rayonun qarğıdalıçılıq üzrə ixtisaslaşmasına, bu sahənin daha da inkişaf etdirilməsinə imkan verir. Cari ildə rayonda dən üçün qarğıdalının əkin sahəsi əvvəlki illə müqayisədə 302 hektar artırılaraq 7 min 515 hektara çatdırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.