REGİONLAR


Balakəndə açılan düşərgədə könüllülər bir araya gəldilər

Balakən, 3 dekabr, Mustafa Dadaşov, AZƏRTAC

Balakən Olimpiya İdman Kompleksində 5 Dekabr – Beynəlxalq Könüllülər Gününə həsr olunmuş “Könüllülərin həmrəyliyi” düşərgəsi təşkil olunub. Balakən rayon Gənclər və İdman İdarəsinin və Gənclər evinin təşəbbüsü, rayon icra hakimiyyətinin təşkilati dəstəyi ilə keçirilən düşərgədə gənclərlə işləyən əlaqədar qurumların aktiv gəncləri, könüllülər və Azərbaycan Dövlət İqtisad Universitetinin Zaqatala filialının Tələbə Gənclər Təşkilatının üzvləri daxil olmaqla, ümumilikdə, 50 gənc iştirak edir.

Bu barədə AZƏRTAC-ın bölgə müxbirinə Balakən rayon Gənclər və İdman İdarəsindən məlumat verilib.

Bildirilib ki, iki gün davam edəcək düşərgədə gənclərin asudə vaxtlarının səmərəli təşkili üçün aktual mövzularda təlimlər, intellektual və əyləncəli oyunlar, idman yarışları və müxtəlif növ fəaliyyətlər təşkil olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.