REGİONLAR


Balakəndə fındıq istehsalı 819 ton artıb

Balakən, 7 yanvar, Mustafa Dadaşov, AZƏRTAC

Ötən il Balakən rayonunda meyvə bağlarından 32 min 336 ton məhsul tədarük edilib. Yığılan məhsulun 15 min 130 tonu xurma, 6 min 205 tonu fındıq, 4 min 473 tonu alma, 3 min 554 tonu armud, qalanı isə digər meyvələr olub.

Bu barədə AZƏRTAC-ın bölgə müxbirinə Balakən Rayon Statistika İdarəsindən məlumat verilib.

Qurumdan bildiriblər ki, ötən il meyvə istehsalında ən çox artım fındıqçılıqda qeydə alınıb. Belə ki, fındıq istehsalı əvvəlki illə müqayisədə 819 ton və ya 15,2 faiz artıb. Xurma istehsalında artım 605 ton olub.

2018-ci ildə rayonda 1017 hektarda yeni meyvə bağları salınıb. Yeni salınan bağların 1010 hektarı fındıq, 3 hektarı alma, 3 hektarı alça, 1 hektarı isə qoz bağlarıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.