REGİONLAR


Balakəndə onlayn şahmat turnirinin qalibləri müəyyənləşib

Balakən, 29 noyabr, Mustafa Dadaşov, AZƏRTAC

Balakəndə İkinci Qarabağ müharibəsində erməni işğalçıları üzərində qazanılan tarixi Qələbəyə həsr olunan “Qarabağ Azərbaycandır!” devizi altında onlayn şahmat turnirinə yekun vurulub. Rayon Gənclər və İdman İdarəsinin təşkilatçılığı ilə keçirilən blits-turnirdə “Balakən chess” klubunun üzvləri olan 16 oğlan və qız şahmatçı mübarizə aparıb.

Bu barədə AZƏRTAC-ın bölgə müxbirinə Balakən rayon Uşaq-Gənclər İdman Şahmat Məktəbinin direktor müavini Vaqif Ocaqverdiyev məlumat verib.

Yekun nəticələrə əsasən, oğlanların yarışında Bakı şahmatçısı Orxan Bağırov fərqlənərək turnirin qalibi adını qazanıb. Balakən şahmatçıları Şəmsəddin Mehdiyev və Ömər Həsənov turniri ikinci, Yusif Hacıyev isə üçüncü pillədə başa vurublar.

Qızların yarışı isə Samux rayonunu təmsil edən Aytac Məmmədovanın qələbəsi ilə başa çatıb. Balakən şahmatçısı Fatimə Abdullayeva ikinci, Rusiya Federasiyasının Engels şəhərindən olan Təranə Padarova və yerli şahmatçı Gülşən Şabanova isə üçüncü yerləri tutublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.