REGİONLAR


Balakəndə yüz hektarda yeni meyvə bağları salınıb

Balakən, 11 iyul, Mustafa Dadaşov, AZƏRTAC

Bu ilin birinci yarısında Balakən rayonunda 100 hektarda yeni meyvə bağları salınıb. Yeni salınan bağların 73 hektarına fındıq, 8 hektarına şaftalı, 7 hektarına alma, 12 hektarına isə armud, gilas, ərik, gavalı və badam ağacları əkilib. Hazırda rayonda meyvə bağlarının ümumi sahəsi 13 min 194,6 hektardır.

Bu barədə AZƏRTAC-ın bölgə müxbirinə Balakən Rayon Statistika İdarəsindən məlumat verilib.

Bildirilib ki, hazırda bağlarda meyvə yığımı davam edir. İndiyədək meyvə bağlarından 2200 tonadək məhsul tədarük olunub. Yığılan meyvələr arasında alma, armud, albalı, alça, gilas və giləmeyvələr üstünlük təşkil edir. Fındıq yığımına isə avqustda başlanılacaq.

Xatırladaq ki, ötən il Balakən rayonunda meyvə bağlarından 32 min 866 ton məhsul tədarük olunub. Yığılan məhsulun 15 min 180 tonu xurma, 6 min 262 tonu fındıq, 4 min 885 tonu alma, 3 min 582 tonu armud, qalanı isə digər meyvələr olub. Meyvə istehsalı əvvəlki illə müqayisədə 613 ton artıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.