İDMAN


Bank əməkdaşları arasında şahmat turniri keçirilir

Bakı, 11 may, AZƏRTAC

Azərbaycan Banklar Assosiasiyasının (ABA) və Azərbaycan Şahmat Federasiyasının təşəbbüsü ilə ümummilli lider Heydər Əliyevin anadan olmasının 99-cı ildönümünə həsr olunan banklararası şahmat üzrə şəxsi və komanda turnirinə start verilib.

Azərbaycan Şahmat Federasiyasının mətbuat xidmətindən AZƏRTAC-a bildiriblər ki, ölkədə fəaliyyət göstərən 20 bankdan 72 əməkdaş qalib adı uğrunda mübarizə aparır. Doqquz turdan ibarət yarış mayın 13-də yekunlaşacaq.

Həm şəxsi, həm də komanda yarışlarında qalib gəlmiş şəxslərə pul mükafatı, diplom və medallar təqdim ediləcək.

Qeyd edək ki, üç gün davam edəcək banklararası şahmat yarışı beşinci dəfə təşkil olunur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.