Bank-kredit təşkilatları tərəfindən iqtisadiyyatın inkişafına 16,6 milyard manat kredit yönəldilib

Bakı, 28 iyul (AZƏRTAC). Mərkəzi Bankın məlumatına görə, iyunun 1-dək ölkənin bank-kredit təşkilatları tərəfindən iqtisadiyyatın inkişafına 16,6 milyard manat məbləğində kredit vəsaitləri yönəldilib.

Dövlət Statistika Komitəsindən AZƏRTAC-a verilən məlumata görə, kredit qoyuluşunun 34,4 faizi dövlət, 62,8 faizi özəl banklar, 2,8 faizi isə bank olmayan kredit təşkilatları tərəfindən həyata keçirilib. Verilmiş kreditlərin 78,5 faizini uzunmüddətli kreditlər təşkil edib, 5,5 faizinin ödənilmə vaxtı keçib.