DÜNYA


Banqladeşin paytaxtı Dəkkədə yanğın nəticəsində ölənlərin sayı 70-ə çatıb

Bakı, 21 fevral, AZƏRTAC

Banqladeşin paytaxtı Dəkkədə yaşayış binasının zirzəmi qatındakı kimyəvi maddələrin olduğu anbarda baş verən yanğın nəticəsində ölənlərin sayı 70-ə çatıb.

AZƏRTAC Banqladeşin BSS agentliyinə istinadla xəbər verir ki, paytaxtın Çaukbazar adlanan ərazisində baş verən hadisə zamanı 50-dən çox adam yaralanıb. Onlardan 14-nün vəziyyəti ağırdır. Yanğın ətrafdakı üç binaya da keçib.

Hadisə yerinə 33 yanğınsöndürən briqadası cəlb olunub. Bir neçə saat sonra yanğın nəzarət altına alınıb. Hadisənin nədən baş verdiyi hələ bilinmir.

Ölkənin nəqliyyat və körpülər naziri Obaydul Quader bildirib ki, ölənlərin ailələrinə təzminat veriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.