İDMAN


Barselona Qran-Prisində min tamaşaçı yarışı tribunalardan izləyə biləcək

Bakı, 4 may, AZƏRTAC

Formula 1 İspaniya Qran-Prisində min tamaşaçının iştirakına icazə verilib.

AZƏRTAC xəbər verir ki, bu qərar Barselonada mayın 9-dan qüvvəyə minəcək karantin məhdudiyyətlərinin yumşalması ilə əlaqədar qəbul edilib. Bazar günündən etibarən, açıq məkanlarda keçiriləcək müxtəlif tədbirlərdə minə qədər insanın iştirakına icazə verilir.

Bilet üçün müraciət edənlər arasından İspaniya Qran-Prisini əsas tribunadan izləyə biləcək min nəfər seçiləcək. Bildirilib ki, tamaşaçılar hər zaman maska taxmalıdırlar. Onlara yemək və içki qəbul etmək qadağan ediləcək. Girişdə hər kəsin istiliyi ölçüləcək.

Qeyd edək ki, İspaniya Qran-Prisi mayın 9-da Barselonada təşkil olunacaq. Formula 1 Azərbaycan Qran-Prisi isə iyunun 6-da Bakı şəhər halqasında keçiriləcək.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.