İDMAN


“Barselona”-“Valensiya” oyununda qapılara 7 top vurulub

Bakı, 15 sentyabr, Nicat Məmmədov, AZƏRTAC

Sentyabrın 14-də İspaniya La Liqasının dördüncü turun mərkəzi qarşılaşması keçirilib.

AZƏRTAC xəbər verir ki, son çempion “Barselona” doğma meydanda “Valensiya” klubunu qəbul edib. Görüş Kataloniya təmsilçisinin 5:2 hesablı qələbəsi ilə yekunlaşıb. Ansu Fati, Frenki De Yonq, Gerar Pike, Luis Suaresin (2) qollarına Kevin Qameiro və Maksi Gomez cavab verib.

Beləliklə, “Barselona” cari mövsümdə ikinci qələbəsini qazanıb. Aktivində 7 xalı olan Ernesto Velverdenin yetirmələri turnir cədvəlində dördüncü pilləyə yüksəlib. “Valensiya” isə 4 xalla 15-ci yerdədir.

Xatırladaq ki, “Barselona”in əzəli rəqibi sayılan Madridin “Real” klubu bu turda "Levante"ni 3:2 hesabı ilə məğlub edib.

Tura sentyabrın 15-də beş oyunla yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.