ELM VƏ TƏHSİL


Barselona dünyanın elmi diplomatiya paytaxtına çevrilməyə hazırlaşır

Madrid, 6 noyabr, AZƏRTAC

Kataloniyanın paytaxtı elm və texnologiyanın qarşılıqlı fəaliyyətinə əsaslanan xarici siyasət planına malik olan ilk meqapolisə çevrilməyə hazırlaşır.

AZƏRTAC xəbər verir ki, noyabrın 6-da Barselonada dünyada ilk dəfə olaraq, “Elm və texnikada beynəlxalq diplomatiya qovşağı” (Science and Technology Diplomacy Hub) adlı yenilikçi tədbir keçiriləcək. Elm və texnologiyanın qarşılıqlı fəaliyyətinə həsr edilmiş bu tədbir sayəsində Kataloniyanın paytaxtı inkişaf strategiyasını eyni zamanda iki istiqamətdə reallaşdıran ilk şəhər olacaq.

Barselonanın dünya geosiyasət arenasında nüfuzlu aktor hesab edilməsi üçün hər cür əsas var. Son vaxtlar bu şəhər iri elmi texniki mərkəz kimi özünü göstərir: burada biotexnologiyalar inkişaf edib, müvafiq tədqiqatlar üçün Avropa fondlarının investisiyaları cəlb edilir, texnoloji startaplar əsl bum dövrü yaşayır, Superkompüter Mərkəzi, ALBA Sinxrotronu kimi iri tədqiqat mərkəzləri açılır,.

Barselona dövlət paytaxtı olmayan, lakin çoxsaylı konsulluqlar yerləşən şəhərlər arasında dünyada dördüncü yeri tutur.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.