CƏMİYYƏT


Baş Prokurorluğun əməkdaşları seminarda iştirak ediblər

Bakı, 27 yanvar, AZƏRTAC

Prokurorluq əməkdaşlarının peşə hazırlığının yüksəldilməsi, onların beynəlxalq təcrübəni öyrənmələri və qazandıqları biliyin təcrübədə tətbiqi istiqamətində işlər davam etdirilir. Bu məqsədlə prokurorluq əməkdaşlarının təlim kurslarında, treninqlərdə, o cümlədən beynəlxalq təlimlərdə iştirakı təmin olunur.

Baş Prokurorluğun mətbuat xidmətindən AZƏRTAC-a bildiriblər ki, bu istiqamətdə həyata keçirilən tədbirlərin davamı kimi, Baş Prokurorluğun mətbuat xidmətinin rəhbəri Günay Səlimzadə və böyük prokuroru Kənan Zeynalov Medianın İnkişafı Agentliyinin və “ADA” Universitetinin ixtisasartırma proqramlarının birgə təşkilatçılığı ilə baş tutmuş “Media və kommunikasiya siyasəti medianın gözü ilə” mövzusunda seminarda iştirak ediblər.

Seminarda “Media əlaqələri və kommunikasiya strategiyaları”, “Böhran vəziyyətlərində kommunikasiyanın qurulması”, “Media gündəminin formalaşdırılması”, “Gündəmə uyğun proaktiv və reaktiv fəaliyyətin planlaşdırılması”, “Ənənəvi və sosial media ilə iş” mövzularında mühazirələr tədbir iştirakçılarına tədris edilib, onları maraqlandıran suallar cavablandırılıb.

Sonda iştirakçılar “ADA” Universitetinin tədris mərkəzində yaradılan şəraitlə tanış olublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.