CƏBHƏ XƏBƏRLƏRİ


Baş Prokurorluq: Ermənistan ordusunun dinc əhalini hədəfə alması nəticəsində Bərdə rayonunda həlak olan mülki şəxslərin sayı dördə çatıb

Bakı, 27 oktyabr, AZƏRTAC 

Ermənistan silahlı qüvvələrinin saat 16 radələrində Bərdə rayonunun Qarayusifli kəndini müxtəlif istiqamətlərdən ağır artilleriya atəşinə tutması nəticəsində həlak olan mülki şəxslərin sayı dördə çatıb.

Baş Prokurorluğun mətbuat xidmətindən AZƏRTAC-a bildiriblər ki, hadisə nəticəsində xəsarət alan şəxslərdən İsmayılov Ehtiram Xəlil oğlu da həlak olub.

Bununla da həlak olanların sayı dördə çatıb. Baş Prokurorluğun hadisə ilə bağlı ilk açıqlamasında düşmənin ağır artilleriya atəşi nəticəsində üç nəfərin - Cəfərova Ofeliya Məcid qızının, Əhmədova Aybəniz Əşrəf qızının və 2013-cü il təvəllüdlü İsgəndərova Aysu Rövşən qızının həlak olduğu, 7 nəfərin isə xəsarət aldığı bildirilmişdi.

Hazırda prokurorluq əməkdaşları tərəfindən mövcud şəraitdə mümkün olan bütün istintaq tədbirləri həyata keçirilməklə zərərçəkmiş şəxslərin siyahısının dəqiqləşdirilməsi üzrə işlər aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.