DÜNYA


Baş katib: Türk Dövlətləri Təşkilatı Qırğızıstan-Tacikistan sərhədindəki vəziyyətdən narahatdır

Bakı, 28 yanvar, AZƏRTAC

Türk Dövlətləri Təşkilatının (TDT) Baş katibi Bağdad Amreyev Qırğızıstan-Tacikistan sərhədindəki son vəziyyətlə bağlı açıqlama yayıb.

AZƏRTAC xəbər verir ki, açıqlamada Təşkilatın Qırğızıstan-Tacikistan sərhədindəki vəziyyətdən dərin narahatlıq keçirdiyi, silahlı münaqişənin dərhal dayandırılmasına, sülh yolu ilə həllinə və vəziyyətin diplomatik danışıqlar yolu ilə sabitləşdirilməsinə çağırış etdiyi bildirilir.

Qeyd olunur ki, Türk Dövlətləri Təşkilatı mülki şəxslərə qarşı silah istifadəsini pisləyir və tərəfləri sərhəddə gərginliyin daha da artmasının qarşısını almaq üçün lazımi tədbirlər görməyə çağırır.

“Biz Qırğız Respublikasının vəziyyətin sülh yolu ilə həlli istiqamətində səylərini dəstəklədiyimizi bildirir, Qırğızıstan ilə Tacikistan arasında qarşılıqlı anlaşma, hörmət, mehriban qonşuluq münasibətləri və birlikdə yaşamaq iradəsinə əsaslanan dialoqu alqışlayırıq.

Ümid edirik ki, danışıqlar nəticəsində hər iki tərəf qarşılıqlı etimadı gücləndirmək və mümkün münaqişələrin qarşısını almaq üçün lazımi addımlar atacaq”, - deyə açıqlamada vurğulanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.