CƏMİYYƏT


Baş pediatr: Mövsümi xəstəliklərə qarşı əvvəlcədən hazırlıq görürük

Bakı, 22 sentyabr, AZƏRTAC

İlin hər mövsümündə ona xas xəstəliklərə rast gəlinir. Hər zaman həmin xəstəliklərə qarşı əvvəlcədən hazırlıq görür, qabaqlayıcı tədbirlər həyata keçiririk.

AZƏRTAC xəbər verir ki, bu sözləri K.Fərəcova adına Elmi-Tədqiqat Pediatriya İnstitutunun direktoru, Səhiyyə Nazirliyinin baş pediatrı, professor Nəsib Quliyev deyib.

Dünyada bir çox yoluxucu xəstəliklərin epidemiyasının geniş yayıldığını vurğulayan professor deyib: “Nümunə üçün deyə bilərəm ki, qızılcanın epidemiyası dünyanın bir çox ölkələrini bürüyüb. Azərbaycanda belə hal yoxdur. Ölkəmizdə səhiyyə sahəsində həyata keçirilən siyasət, uşaqların dövlət vəsaiti hesabına 11 yoluxucu xəstəliyə qarşı peyvənd olunması müsbət nəticələrini göstərir. Təbii ki, bu, bizi sevindirir. Lakin iş bununla bitmir. Əsas məqsədimiz bütün vasitələrdən istifadə etməklə ölkəmizdə uşaqlara göstərilən tibbi xidmətin keyfiyyətini dünyanın inkişaf etmiş ölkələrinin səviyyəsinə çatdırmaqdır”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.