İDMAN


Basketbol üzrə Avroliqanın qalibi Belqradda müəyyənləşəcək

Belqrad, 19 may, AZƏRTAC

Serbiyanın paytaxtı Belqrad şəhəri basketbol üzrə Avroliqanın 2021/2022-ci il mövsümünün “Dördlər finalı”na ev sahibliyi edir.

AZƏRTAC xəbər verir ki, mayın 19-da keçiriləcək “Dördlər finalı”nda Avroliqanın son qalibi Türkiyənin “Anadolu Efes”, İspaniyanın “Real Madrid”, “Barselona” və Yunanıstanın “Olimpiakos” klubları çempionluq uğrunda mübarizə aparacaqlar. “Anadolu Efes”-“Olimpiakos” və “Real Madrid”-“Barselona” matçlarının qalibi mayın 21-də finalda qarşı-qarşıya gələcək.

Qeyd edək ki, Avropa basketbolunun bir nömrəli kubokunu ən çox qazanan klub “Real Madrid”dir. İspan klubu 1958-ci ildən bəri təşkil edilən turnirdə 10 dəfə çempion olub.

 

Nihad Budaqov

AZƏRTAC-ın xüsusi müxbiri

Belqrad

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.