REGİONLAR


Batabat ərazisində yerləşən yaylaqlarda yaşayan sakinlərə tibbi xidmət göstərilir

Şahbuz, 23 iyun, AZƏRTAC

Muxtar respublikanın Şahbuz rayonunun Batabat ərazisində yerləşən yaylaqlarda rayon mərkəzi xəstəxanasının və baytarlıq idarəsinin kollektivləri tərəfindən bir sıra xidmətlər göstərilib.

AZƏRTAC-ın Naxçıvan bürosu xəbər verir ki, rayon mərkəzi xəstəxanasının həkimi Əli Qurbanov yaylaqlarda yaşayan vətəndaşların səhhəti ilə maraqlanıb, onlara müxtəlif zəruri dərman preparatları təqdim edib.

Rayon baytarlıq idarəsinin müdiri Nəzəralı Ağamalıyev və idarənin kollektivi sahibkarlarla maarifləndirici söhbətlər aparıb, müxtəlif heyvan xəstəliklərinin qarşısının alınması və onların idarə olunması, təsərrüfatlarda rast gəlinən xəstəliklər, bu sahədə fermerlərin görə biləcəyi tədbirlər, baytarlıq-sanitariya qaydaları, xəstəliktörədicilərə qarşı aparılan mübarizə yolları barədə ətraflı məlumat verilib. Eyni zamanda zəruri sayılan təhlükəsizlik qaydalarına əməl edilməsi, dezinfeksiya, dezinseksiya işlərinin görülməsi, yemləmə, bəsləmə qaydaları, profilaktik tədbirlərin vaxtlı-vaxtında icrasının zəruriliyi, mövsümlə əlaqədar baş verən xəstəliklər və onlarla mübarizə, təsərrüfatlarda tez-tez rast gəlinən xəstəliklərdən söhbət açılıb.

Tədbir çərçivəsində səyyar satıcılıq da təşkil edilib və yaylaqlarda olanlar tələbat yaranan ərzaqlarla təmin olunublar. 89 yaşlı sahibkar Abdulla İsayev göstərilən dövlət qayğısına görə minnətdarlığını bildirib.

Qeyd edək ki, rayon baytarlıq idarəsinin əməkdaşları tərəfindən örüşlərdə dərmanlama işləri də həyata keçirilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.