REGİONLAR


Batabat və Qanlıgöl yaylaqlarına gedən yollar genişləndirilib

Naxçıvan, 7 iyun, AZƏRTAC

Muxtar respublikada heyvandarlıqla məşğul olan sahibkarlar yay aylarında mal-qaranı, əsasən, Şahbuz rayonundakı Batabat və Qanlıgöl yaylaqlarında saxlayırlar.

AZƏRTAC-ın Naxçıvan bürosu xəbər verir ki, heyvandarların yaylaqlara rahat qalxmaları üçün oba yolları genişləndirilib və daşlardan təmizlənib. Bu yolların təmiri həm də arıçılıqla məşğul olan sahibkarların arı ailələrini daha rahat şəkildə başqa ərazilərə köçürmələri üçün imkan yaradıb.

Qeyd edək ki, yaylaq mövsümünün başlanması ilə əlaqədar Şahbuz Rayon İcra Hakimiyyətində qrafik hazırlanıb. Qrafikə əsasən, yaylaqlarda oba sakinlərinə səhiyyə və iaşə xidmətləri, o cümlədən təsərrüfatlar üçün baytarlıq xidmətinin göstərilməsi nəzərdə tutulub.

Artıq muxtar respublika ərazisində maldarlıqla, heyvandarlıqla məşğul olan sakinlərin yaylaqlara köç mövsümü başlayıb. Bununla əlaqədar olaraq rayon ərazisində yerləşən bütün yaylaqlarda dezinfeksiya işləri aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.