SİYASƏT


Batumidə QDİƏT Parlament Məclisinin komitə iclasları keçirilir

Bakı, 15 may, AZƏRTAC

Mayın 14-15-də Gürcüstanın Batumi şəhərində QDİƏT Parlament Məclisinin 53-cü Hüquqi və siyasi məsələlər üzrə və 52-ci İqtisadi, texnologiya və ekoloji məsələlər üzrə komitə iclasları keçirilir.

AZƏRTAC xəbər verir ki, milli nümayəndə heyətinin rəhbəri, Hüquqi və siyasi məsələlər üzrə komitənin sədr müavini, deputat Eldar Quliyev “Ombudsman institutunun demokratiyanın möhkəmləndirilməsində rolu” mövzusunda çıxış edib. Deputat çıxışı zamanı Xocalı soyqırımını xüsusilə qeyd edib, orada yaşayan, vəhşicəsinə qətlə yetirilən, əlil olan, itkin düşən insanların hüquqlarının tapdalanması mövzusuna toxunub.

İclasda, həmçinin İqtisadi komitənin üzvü, deputat Əflatun Amaşov "Yaşıl iqtisadiyyat. Mavi artım" mövzusunda çıxış edib.

Deputatlar çıxışlardan sonra müxtəlif mövzulara həsr olunan müzakirələrdə iştirak ediblər.

Tədbirdə Azərbaycanın Batumidəki baş konsulu Pərviz İsmayılzadə də iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.