DÜNYA


Batumidə keçirilən beynəlxalq konfrans zamanı fövqəladə hadisə baş verib

Tbilisi, 6 noyabr, AZƏRTAC

Batumidə keçirilən 13-cü beynəlxalq təhlükəsizlik və müdafiə konfransı zamanı fövqəladə hadisə baş verib.

AZƏRTAC xəbər verir ki, konfransın keçirildiyi “Hilton Batumi” otelində gözlənilmədən həyəcan siqnalı işə düşüb.

Tədbirdə iştirak edən yüksək vəzifəli şəxslər və qonaqlar, o cümlədən Gürcüstan Prezidenti Salome Zurabişvili, parlamentin sədri Arçil Talakvadze, Müdafiə naziri İrakli Qaribaşvili, NATO-nun və Avropa İttifaqının yüksək vəzifəli şəxsləri təxliyə olunublar.

Otel rəhbərliyi bildirib ki, həyəcan siqnalı elektrik naqillərində baş verən tüstülənmə ilə əlaqədar işə düşüb. Nasazlıq dərhal aradan qaldırılıb və hazırda konfrans işini davam etdirir.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.