DÜNYA


Batumidə magistral qaz boru kəmərində qəza baş verib

Tbilisi, 9 may, AZƏRTAC

Gürcüstanın Acarıstan Muxtar Respublikasının Batumi şəhərində magistral qaz xəttində qəza baş verib.

AZƏRTAC xəbər verir ki, Batuminin Baqrationi küçəsində baş vermiş qəza nəticəsində 50 mindən çox abonentə mavi yanacağın verilişi dayandırılıb. İlkin məlumatlara görə, ərazidə aparılan qazma işləri zamanı magistral qaz boru kəməri zədələnib və nəticədə qəza baş verib.

Hadisə yerinə “SOCAR Georgia Gas” şirkətinin əməkdaşları və xilasedicilər cəlb olunublar. Hazırda boru kəməri təmir olunur.

“SOCAR Georgia Gas” şirkətinin Acarıstandakı ofisindən Gürcüstanın birinci televiziya kanalına bildiriblər ki, təmir işlərinin sabah başa çatdırılacağı gözlənilir.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.