REGİONLAR


Bayram günlərində Masallı və Cəlilabadda da heyvan satışı məntəqəsi fəaliyyət göstərib

Masallı-Cəlilabad, 21 iyul, Bağır Əliyev, AZƏRTAC

Kənd Təsərrüfatı Nazirliyi və Qida Təhlükəsizliyi Agentliyinin birgə təşkilatçılığı ilə Qurban bayramı günlərində qurbanlıq heyvanların kəsimi və satışının kütləvi şəkildə toplaşmadan rahat həyata keçirilməsi məqsədilə ölkəmizin bütün bölgələrində, o cümlədən Masallı və Cəlilabadda satış məntəqəsi fəaliyyət göstərib.

AZƏRTAC-ın bölgə müxbiri xəbər verir ki, Masallı şəhərinin Həzi Aslanov küçəsində, Cəlilabad şəhərinin Qurtuluş prospektində quraşdırılmış çadırtipli satış məntəqəsində baytarlıq nəzarətindən keçmiş heyvanlar sifarişçilərə təqdim olunub.

Kənd Təsərrüfatı Nazirliyinin, Qida Təhlükəsizliyi Agentliyinin, Qafqaz Müsəlmanları İdarəsinin səlahiyyətli nümayəndəsi qurbanlıq heyvanların satışına ciddi nəzarət ediblər.

Hər iki rayonun sakinləri Qurban bayramı ilə əlaqədar yaradılmış şəraitdən razılıqlarını ifadə edərək təşkilatçılara minnətdarlıqlarını bildiriblər.

Qeyd edək ki, Qurban bayramı günlərində ölkə üzrə 88 ünvanda fəaliyyət göstərən qurbanlıq heyvanların satışı və kəsimi yerlərindən 53-də həm kəsim, həm satış, 17-də qurbanlıq heyvanların satışı, 18-də isə yalnız heyvan kəsimi xidmətləri vətəndaşlara təklif olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.