İDMAN


Bədən Tərbiyəsi və İdman Akademiyası ilə Rusiyanın müvafiq ali təhsil müəssisəsi arasında əməkdaşlığa dair memorandum imzalanıb

Bakı, 3 noyabr, AZƏRTAC

Azərbaycan Dövlət Bədən Tərbiyəsi və İdman Akademiyası (ADBTİA) ilə Rusiyanın Bədən Tərbiyəsi, İdman, Gənclər və Turizm Universiteti arasında əməkdaşlığa dair memorandum imzalanıb.

Gənclər və İdman Nazirliyinin mətbuat xidmətindən AZƏRTAC-a bildiriblər ki, sənədi hər iki ali təhsil müəssisəsinin rektorları Fuad Hacıyev və Tamara Mixaylova imzalayıblar.

Onlayn formatda imzalanan memoranduma əsasən, bundan sonra iki ali təhsil müəssisəsi təcrübə mübadiləsinin aparılması, birgə layihələrin icrası, mütəxəssislərin və tələbələrin ixtisasının artırılması və müasir standartlara uyğun hazırlığında əməkdaşlıq edəcəklər.

Tədbirdə simpozium və seminarların, eləcə də müxtəlif təcrübə proqramlarının birgə təşkilinin kadr hazırlığı baxımından əhəmiyyəti vurğulanıb. İlkin olaraq beş il müddətində əməkdaşlığı nəzərdə tutan memorandumun səmərəli olacağı halda uzadılacağı nəzərdə tutulur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.