İDMAN


Bədii gimnastika üzrə XXV Bakı çempionatının qalibləri müəyyənləşib

Bakı, 5 noyabr, AZƏRTAC

Azərbaycan Gimnastika Federasiyası və Bakı Şəhər Gənclər və İdman Baş İdarəsi (BŞGİBİ) tərəfindən Milli Gimnastika Arenasında bədii gimnastika üzrə XXV paytaxt çempionatı keçirilib.

BŞGİBİ-dən AZƏRTAC-a bildiriblər ki, çempionat fərdi proqram üzrə çıxışları yerinə yetirən gimnastların yarışı ilə başlayıb. Nəticələrə görə, 2010-cu il təvəllüdlülər arasında Nəzrin Salmanlı birinci olub. 2009-cu il təvəllüdlü gimnastlar arasında Gövhər İbrahimova, 2008-ci il təvəllüdlülərin mübarizəsində Nərminə Bayramova fərqləniblər.

Yeniyetmələr arasında Kamilla Seyidzadə, gənclərin yarışında Məryəm Səfərova, böyüklərin mübarizəsində isə Darya Sorokina fəxri kürsünün ən yüksək pilləsinə qalxıblar.

Qaliblərə Baş İdarə tərəfindən müvafiq dərəcəli diplom və xatirə hədiyyələri təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.