İQTİSADİYYAT


Bədrəddin Həsrətov: Bal yarmarkasında satış qiyməti sərbəstdir

Bakı, 4 oktyabr, Ramiz Quliyev, AZƏRTAC 

Oktyabrın 5-dən 28-dək Bakıda keçiriləcək XIX arıçılıq məhsulları yarmarkasında satış qiyməti sərbəstdir.

AZƏRTAC xəbər verir ki, bunu jurnalistlərə müsahibəsində Azərbaycan Arıçılar Assosiasiyasının sədri Bədrəddin Həsrətov bildirib.

“Arıçı müştərilərə öz məhsulunu istədiyi qiymətə sata bilər. Bu il yarmarkaya çıxarılan balın digər illərlə müqayisədə az olduğunu nəzərə alsaq, qiymətdə müəyyən qədər fərq ola bilər. Məsələn, ötən il qiymət orta hesabla 20 manat idisə, bu il 20-25 manat arasında olması gözlənilir”, - deyə assosiasiya sədri bildirib.

Yarmarkaya təqdim olunan keyfiyyətsiz balla bağlı B.Həsrətov bildirib ki, bəzən Daşkəsən və Astara rayonlarından bal yarmarkalarına keyfiyyətsiz məhsul daxil olur.

Assosiasiya sədri həmin rayonlarda xüsusi seminar və treninqlərin keçirilməsinin planlaşdırıldığını diqqətə çatdırıb: “Məqsəd arıçılarla yaxından ünsiyyət quraraq, onların problemlərini, keyfiyyətsiz balın səbəblərini öyrənməkdir”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.