MƏDƏNİYYƏT


Bəhreynin Mədəniyyət naziri: İslam mədəniyyət irsinin tanıdılmasında Azərbaycanın böyük rolu var VİDEO

Paris, 21 noyabr, AZƏRTAC

Azərbaycan artıq mədəni dəyərlərin, tarixi irsin qoruyucusu və hamisi kimi özünü təsdiq edib. Azərbaycan bu sahədə müxtəlif beynəlxalq konfranslara ev sahibliyi edib, zəngin təcrübəyə yiyələnib.

Bu sözləri Parisdə UNESKO-nun Baş Konfransının 40-cı sessiyası çərçivəsində Bəhreynin Mədəniyyət naziri Şeyxa May bint Məhəmməd Al Xəlifə AZƏRTAC-a müsahibəsində söyləyib.

“İki ölkə arasında mədəniyyət sahəsində əlaqələrimiz yüksək səviyyədədir. Dəfələrlə Azərbaycanda olmuş və beynəlxalq tədbirlərdə iştirak etmişəm. Ölkənizin islam mədəniyyət irsinin tanıdılmasında rolu olduqca böyükdür. Buna görə də bütün Şərq ölkələri, İslam irsini bölüşən ölkələr, o cümlədən Bəhreyn Azərbaycanla əməkdaşlığın inkişafında maraqlıdır. Azərbaycanın Mədəniyyət naziri ilə iki ölkə arasında UNESKO çərçivəsində həyata keçirə biləcəyimiz layihələri müzakirə etdik”, - deyə Şeyxa May bint Məhəmməd Al Xəlifə söyləyib.

 

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.