ORDU
Bəkir Orucov: Vətən müharibəsində Cəmşid Naxçıvanski adına Hərbi Liseyin zabitləri də rəşadətlə vuruşublar
Bakı, 23 fevral, AZƏRTAC
Vətən müharibəsində Cəmşid Naxçıvanski adına Hərbi Liseyin zabitləri də fəal iştirak edərək, rəşadətlə vuruşublar.
AZƏRTAC xəbər verir ki, bunu Cəmşid Naxçıvanski adına Hərbi liseyin rəisi, general-mayor Bəkir Orucov fevralın 23-də bu hərbi təhsil ocağına təşkil olunan media-tur zamanı jurnalistlərə müsahibəsində deyib.
B.Orucov bildirib: “Vətən müharibəsində Hərbi Liseyin 60 nəfərlik zabit heyəti döyüş əməliyyatlarında iştirak edib. Onlardan 3-ü yaralanıb, mayor Asiman Əliyev isə şəhid olub. Liseyin məzunlarından 18 nəfər Vətən Müharibəsi Qəhrəmanı adı, yüzlərlə zabit isə orden və medallarla təltif olunub”.