DÜNYA


Belarus Prezidenti vəzifəsinə seçkilərdə növbədənkənar səsvermənin ilk iki günündə seçici fəallığı 12,75 faiz təşkil edib

Minsk, 6 avqust, AZƏRTAC

Belarus Prezidenti vəzifəsinə seçkilərdə növbədənkənar səsvermənin ilk iki günündə seçici fəallığı 12,75 faiz təşkil edib.

AZƏRTAC bu barədə BELTA agentliyinə istinadla xəbər verir.

Mərkəzi Seçki Komissiyasının məlumatına görə, Brest vilayətində region üzrə seçicilərin siyahısına daxil edilmiş vətəndaşların ümumi sayının 11,26 faizi səs verib. Vitebsk vilayətində bu göstərici 12,16 faiz, Qomel vilayətində 16,44 faiz, Qrodno vilayətində 10,01 faiz təşkil edib.

Minsk vilayətində növbədənkənar səsvermənin ilk iki günü ərzində seçicilərin 12,61 faizi, Mogilyov vilayətində 14,61 faizi, Minskdə isə 11,73 faizi səsvermə məntəqələrinə gəliblər.

Adı siyahıya daxil edilən seçicilərin ümumi sayı 6.836.585 nəfər olub.

Seçkilərdə növbədənkənar səsverməyə avqustun 4-də start verilib. Səsvermə avqustun 8-dək (həmin tarix də daxil olmaqla) davam edəcək.

Emil Hüseynli

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.