CƏMİYYƏT


Belarusda Azərbaycan Milli Qəhrəmanının ailəsinin problemi həll olunub

Minsk, 15 aprel, AZƏRTAC

Ölkəmizin Belarusdakı səfirliyi Azərbaycanın Milli Qəhrəmanının Slutsk şəhərində yaşayan anasının yaranan problemlərini həll edib.

Səfirlikdən AZƏRTAC-a bildiriblər ki, diplomatlarımız 1992-ci ildə ölkəmizin ərazi bütövlüyü və suverenliyi uğrunda həlak olmuş, Azərbaycanın Milli Qəhrəmanı adına layiq görülmüş Anatoli Davidoviçin doğum günü münasibətilə onun Slutsk şəhərində yaşayan anası Kima Davidoviçi ziyarət edən zaman bir sıra problemlər qaldırılıb.

Qəhrəmanın anası ilə görüşdə qaldırılmış məsələlər səfirliyin təşəbbüsü ilə həll olunub. Belə ki, Belarusun bank sistemində edilmiş dəyişikliklər nəticəsində Kima Andreyevnanın təqaüd almasında yaranmış problemlər səfirliyin müdaxiləsi, ölkəmizin və Belarusun müvafiq orqanlarına müraciətindən sonra aradan qaldırılıb.

Səfirliyin əməkdaşları qarşıdan gələn Pasxa bayramından sonra qəhrəmanımızın məzarını bir daha ziyarət edəcəklər.

 

Emil Hüseynli

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.