DÜNYA


Belarusda suda boğulanların sayı təxminən iki dəfə artıb

Minsk, 20 iyun, AZƏRTAC

Cari ilin əvvəlindən Belarusda 159 nəfər ölkə sularında boğulub ki, bunlardan da 16-sı yeniyetmə olub. 2018-ci ilin eyni dövründə isə ölkə sularında 131 nəfər boğulub. Onlardan 10-u yeniyetmə olub.

AZƏRTAC yerli mətbuata istinadla xəbər verir ki, bu barədə Belarus Sularında Xilasetmə Birliyinin sədri Ənvər İqamberdiyev keçirdiyi brifinqdə məlumat verib.

Onun sözlərinə görə, hesabat dövründə suda boğulanların 63-ü sərxoş vəziyyətdə olub. Bu il çimərlik dövrü başlayandan isə artıq 42 nəfər suda boğulub ki, bu da ötən ilin müvafiq dövrü ilə müqayisədə iki dəfəyədək çoxdur. Belə ki, 2018-ci ili analoji dövründə ölkə sularında cəmi 25 nəfər boğulub.

Qeyd edək ki, 2018-ci ildə Belarusda ümumilikdə 374 nəfər suda boğulub. Bu rəqəm son 46 ilin ən aşağı göstəricisi olub. Lakin yeniyetmələrin sularda boğulma halları 16,3 faiz artıb. 2018-ci ildə Belarus sularında 30 yeniyetmə boğulub ki, bu da 2017-ci illə müqayisədə 5 fakt çoxdur.

Emil Hüseynli

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.