İQTİSADİYYAT


Belarusun Azərbaycandakı səfiri ilə Azərbaycanın rabitə və yüksək texnologiyalar nazirinin görüşündə İKT sahəsində əməkdaşlığın perspektivləri müzakirə edilib

Bakı, 20 sentyabr (AZƏRTAC). Belarusun Azərbaycandakı səfiri Nikolay Patskeviç Azərbaycanın rabitə və yüksək texnologiyalar naziri Əli Abbasovla görüşüb.

Belarusun Bakıdakı səfirliyindən AZƏRTAC-a verilən məlumata görə, görüşdə informasiya-kommunikasiya texnologiyaları və yüksək texnologiyalar sahəsində Belarus-Azərbaycan əməkdaşlığının inkişafı perspektivləri, müvafiq şəxslər arasında əlaqələrin tənzimlənməsi üçün tərəflərin gələcək addımları, konkret ikitərəfli layihələrə başlamaq imkanları müzakirə edilib.

Tərəflər həmçinin ticari-iqtisadi əməkdaşlıq üzrə Belarus-Azərbaycan Hökumətlərarası Komissiyasının növbəti iclasının gündəliyinə İKT və yüksək texnologiyalar sahəsində müştərək layihələrin daxil edilməsi məsələsini, habelə 21-ci Azərbaycan Beynəlxalq BAKUTEL-2015 “Telekommunikasiyalar və informasiya texnologiyaları” sərgisində Belarus müəssisələrinin iştirakı ilə bağlı təşkilati məsələləri də müzakirə ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.