SİYASƏT


Belarusun xəbər portalı Füzuli Beynəlxalq Hava Limanına ilk uçuş barədə geniş məqalə yayıb

Minsk, 8 sentyabr, AZƏRTAC

Belarusun xəbər portalında işğaldan azad olunmuş Qarabağın ilk aeroportuna - Füzuli Beynəlxalq Hava Limanına Bakıdan uçan “Azərbaycan Hava Yolları”na məxsus ən böyük “Airbus A340-500” tipli sərnişin təyyarəsinin enişi barədə məqalə dərc edilib.

AZƏRTAC xəbər verir ki, “belprauda.com” xəbər portalında dərc olunan məqalədə Füzuli Beynəlxalq Hava Limanına sərnişin təyyarəsinin sınaq reysi həyata keçirdiyi qeyd olunur. Bildirilir ki, bu, işğaldan azad olunmuş Qarabağın ilk hava limanına eniş kimi də tarixə düşüb. Qeyd olunub ki, həmin təyyarə "Qarabağ" adını daşıyır. Bakı-Füzuli marşrutu üzrə sərnişin təyyarəsi ilə uçuş müddəti 35 dəqiqə olub.

Məqalədə, həmçinin avqustun 29-da Azərbaycan Prezidenti İlham Əliyev və birinci xanım Mehriban Əliyevanın Füzuli Beynəlxalq Hava Limanında görülən işlərlə tanış olmaları barədə də ətraflı məlumat verilib.

Emil Hüseynli

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.