MƏDƏNİYYƏT


Belçikada “Azərbaycan həftəsi” adlı tədbir keçirilib

Brüssel, 16 aprel, AZƏRTAC

Belçikanın Brüqqe şəhərində yerləşən “Avropa Kolleci”ndə təhsil alan azərbaycanlı tələbələr tərəfindən ölkəmizin Belçikadakı səfirliyinin dəstəyi ilə bu ali təhsil ocağında “Azərbaycan həftəsi” adlı tədbir keçirilib.

AZƏRTAC xəbər verir ki, tədbirdə universitetin professor-müəllim heyəti və çoxmillətli tələbə kollektivi iştirak edib.

Məlumat üçün bildiririk ki, bu mötəbər ali təhsil ocağında hazırda Azərbaycandan 4 tələbə magistr pilləsi üzrə təhsil alır. Tədbir çərçivəsində tələbələr tərəfindən “Laçın” xalq mahnısı ifa olunub, iştirakçılara Azərbaycan milli mətbəxinin nümunələri və şirniyyatları təqdim olunub, həmçinin “Ali və Nino” filmi nümayiş etdirilib. Ölkəmizə aid çoxsaylı təbliğat materialları, jurnal və broşürlər paylanılıb.

 

Pərvanə Qarayeva

AZƏRTAC-ın xüsusi müxbiri

Brüssel

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.