DÜNYA
Belçikanın soyqırımının inkarını kriminallaşdırması erməni mifinə aid deyil
Brüssel, 8 aprel, AZƏRTAC
Belçika soyqırımı və hərbi cinayətlərin inkarını kriminallaşdırmağa hazırlaşır. AZƏRTAC xəbər verir ki, ölkə parlamenti Milad tətillərindən sonra bu məsələ ilə bağlı qanunvericilikdə dəyişiklik edəcək. Artıq soyqırımı aktını, insanlıq əleyhinə cinayətləri, beynəlxalq tribunal tərəfindən tanınmış hərbi cinayətləri inkar etmək, miqyasını kiçiltmək və ya onlara bəraət qazandırmaq cinayət sayılacaq. Beləliklə, qanun Ruanda, Bosniyanın Srebrenitsa şəhərində törədilmiş soyqırımı aktlarının inkarını Holokostu inkar etməyə bərabər tutacaq.
Belçikanın ədliyyə naziri Koen Qins bəyan edib ki, Milad tətillərindən sonra parlament hazırda qüvvədə olan irqçilik əleyhinə qanunvericiliyə düzəlişlər edəcək və onu Avropa qanunları səviyyəsinə çatdıracaq.
1915-ci ildə Osmanlı imperiyasında baş vermiş hadisələrin beynəlxalq tribunal tərəfindən soyqırımı aktı kimi qiymətləndirilməməsini nəzərə alaraq, qondarma “erməni soyqırımı” tribunalın təsdiq etdiyi fakt qismində deyil, Avropa İnsan Haqları Məhkəməsinin “Doğu Perincek İsveçrəyə qarşı” işi ilə bağlı qərarına uyğun olaraq, şəxsi rəy kimi qəbul olunacaq. Onun inkarı isə insan hüquqları üzrə Avropa Konvensiyasının 10-cu maddəsinə əsasən (“Söz azadlığı”) cinayət sayıla bilməz.
Vüqar Seyidov
AZƏRTAC-ın xüsusi müxbiri
Brüssel
MÜƏLLİFLƏ ƏLAQƏ
Bölmənin digər xəbərləri
- 24.04.2024 [17:50]
İsrail aviasiyası Livanın cənubuna 14 hava hücumu həyata keçirib
- 24.04.2024 [16:26]
Almaniya Prezidenti Türkiyədə rəsmi səfərdədir
- 24.04.2024 [16:18]
Türkiyə yeni amfibiya gəmisinin dizayn işlərinə başlayıb
- 24.04.2024 [16:02]
Türkiyə XİN 1915-ci il hadisələri ilə bağlı bəyanat yayıb
- 24.04.2024 [14:57]
ABŞ Gürcüstana 13 milyon dollarlıq hərbi-texniki yardım edib
- 24.04.2024 [14:48]
Peter Siyarto Azərbaycana səfərə yola düşüb
- 24.04.2024 [14:18]
“Nokia” Özbəkistanda 5G şəbəkələri quracaq
- 24.04.2024 [14:08]