SİYASƏT
Belçikanın yeni səfiri etimadnaməsinin surətini Azərbaycanın xarici işlər nazirinə təqdim edib
Bakı, 5 avqust, AZƏRTAC
Belçikanın Azərbaycanda yeni təyin olunmuş səfiri Bert Şufs etimadnaməsinin surətini Azərbaycanın xarici işlər naziri Elmar Məmmədyarova təqdim edib.
Xarici İşlər Nazirliyinin mətbuat xidmətindən AZƏRTAC-a bildiriblər ki, E.Məmmədyarov B.Şufsu Azərbaycanda səfir təyin olunması münasibətilə təbrik edib, ona gələcək fəaliyyətində uğurlar arzulayıb.
Görüşdə Azərbaycan-Belçika ikitərəfli münasibətlərinin inkişaf səviyyəsindən məmnunluq ifadə olunub. Azərbaycan ilə Avropa İttifaqı arasında əlaqələrin inkişafı barədə fikir mübadiləsi aparılıb.
Söhbət zamanı qarşılıqlı maraq doğuran digər məsələlər də müzakirə olunub.