REGİONLAR


Bərdədə qanunsuz üsulla balıq ovlayan şəxslərin oğurluq etdikləri də müəyyən olunub

Bərdə, 26 aprel, AZƏRTAC

Bərdə Rayon Polis Şöbəsinin əməkdaşları tərəfindən keçirilmiş tədbirlər nəticəsində rayon ərazisində qanunsuz üsulla balıq ovlayan şəxslərin oğurluq etdikləri də məlum olub.

Daxili İşlər Nazirliyinin Mətbuat Xidmətinin Bərdə regional qrupundan AZƏRTAC-ın bölgə müxbirinə verilən məlumata görə, daxil olmuş məlumat əsasında Rayon Polis Şöbəsinin əməkdaşları tərəfindən həyata keçirilmiş tədbirlərlə rayonun Qarabağ su kanalının Qaraağacı kəndindən keçən hissəsində elektrik cərəyanından istifadə edərək balıqların kütləvi məhvinə səbəb olan şəxslər saxlanılıb. Araşdırmalarla onların Ağdam rayon sakinləri Sadiq Süleymanov və əvvəllər məhkum edilmiş Vüsal Məmmədov olduğu müəyyən edilib. Həmin şəxslərin ətrafında aparılan tədbirlərlə Qaraağacı kənd sakininə məxsus iribuynuzlu heyvan oğurladıqları da aşkar olunub.

Faktlarla bağlı Bərdə Rayon Polis Şöbəsində istintaq aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.