DÜNYA


Berlin səfirin arzuolunmaz şəxs elan edilməsini anlaşılmaz addım adlandırıb

Berlin, 7 mart, AZƏRTAC 

Almaniyanın Xarici İşlər Nazirliyi (XİN) Venesueladakı səfir Daniel Krinerin rəsmi Karakas tərəfindən “persona non qrata” elan edilməsi və bu ölkəni tərk etməsi üçün ona iki gün vaxt verilməsi barədə informasiyanı təsdiq edib. AZƏRTAC bunu Almaniya xarici siyasət idarəsinin mətbuat üçün məlumatına istinadla bildirir.

XİN-in bəyanatında deyilir ki, Venesuelada diplomatın ölkədən çıxarılmasının səbəbini səfirin daim Venesuelanın daxili işlərinə qarışması ilə izah ediblər. Almaniya tərəfinin fikrincə, bu, cəfəngiyatdır və anlaşılmaz addımdır.

KİV-lərin yazdığına görə, səfirin ölkədən çıxarılmasına onun bu həftənin əvvəlində beynəlxalq turnedən qayıdan müxalifətin lideri Xuan Quaydonu Karakas Beynəlxalq Aeroportunda Aİ, Latın Amerikası ölkələri və ABŞ-dan olan həmkarları ilə birlikdə qarşılaması səbəb ola bilər.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.